Étika hodi hato’o ita-nia Opiniaun iha Públiku

 

Dala barak bainhira ita halo diskusaun ita hasoru mós diferensia opiniaun husi ema seluk. Ida ne’e razoavel no normal.  Hodi bele hetan solusaun ne’ebé ita hotu-hotu konkorda iha mós étika hodi bele guia nune’e labele hamosu konflitu.

 

1.Labele korta ema seluk bainhira nia sei koalia

Husik ema seluk hato’o nia ideia to’o hotu no ita bele fó resposta bainhira fo tempu ba ita hodi koalia

 

 

2.Hato’o Ita nia opiniaun ho edukadu

Labele uza lia fuan ne’ebe “kasar” no kro’at ne’ebé bele hakanek ema nia sentimentu

 

 

3.Labele ataka ema seluk

Bainhira ita la konkorda ho ema seluk nia opiniaun di’ak liu lalika ataka nia, liu-liu la iha relasaun ho tópiku ne’ebé iha, ida ne’e hatudu katak ita la matenek no imaturidade no ikus mai bele hamosu konflitu.

 

 

4.Iha Argumentu báziku ne’ebé klaru no forte

Sei di’ak liu tan, bainhira ita-mós prepara dadus no fatus ne’ebé bele apoiu ita-nia opiniaun

 

 

5.Kompriende no hatene ita nia kapasidade pessoal

Antis hato’o ita-nia opiniaun asegura katak ita nia kompriensaun tuir tema ne’ebé iha nune’e bele Evita debate ne’ebé la halai tuir tópiku ne’ebé bele hamosu konflitu.