Ha’u lee Revista Lafaek, iha istória badak kona-ba Rusasi no Kudasi, Borboleta no Bani buka malu. Ha’u mós aprende matemátika kona-ba adisaun subtrasaun no multiplikasaun. Ha’u gosta Revista Lafaek, tanba tulun ha’u oinsá bele lee no aprende Tetun.
Olga Mendonça, Aileu
Ha’u kontente simu Revista Lafaek Prima tanba husi Revista ne’e, tulun ha’u aprende lee no hakerek. Iha uma, ha’u sempre lee Revista hamutuk ho ha’u-nia alin sira, atu tulun sira bele lee lailais.
Atanasio Soares, Ainaro
Ha’u aprende lee no hakerek husi Revista Lafaek. Ha’u gosta tebes Revista Lafaek, tanba tulun ha’u ho alin sira atu aprende lee. Ha’u hakarak atu simu nafatin Revista Lafaek atu nune’e, bele tulun nafatin ami lee.
Leolita Maria Francisca, Ainaro
Ha’u simu Revista Lafaek. Ha’u gosta lee istória sira mak hanesan; Borboleta ho Bani buka malu, Riko fera pateka. Ami ho kolega sira halo mós kriatividade faru ho gravata. Ha’u gosta Revista Lafaek, tanba ami bele aprende lee Tetun ho di’ak.
Melissa Nolen do Rego, Covalima
Ha’u simu Revista Lafaek, no ha’u kontente loos tanba iha istória barak. Istória ne’ebé mak ha’u sempre lee mak hanesan; Riko Fera Pateka no Laho ho Lekirauk. Ha’u aprende lee no hakerek husi Revista, no ha’u mós sempre lee ho alin sira iha uma.
Ricardo Freitas de Camara, Covalima
Ha’u simu Revista Lafaek Prima. Ha’u gosta liu mak istória sira hanesan; Lafo ho nia Asu bá kuru bee no Kudasi ho Rusasi. Ha’u mós aprende lee, hakerek no sura husi Revista Lafaek.
