Oinsa Hasai Foto Uza Kamera Telefone ho Kualidade Di’ak

Teknolojia smartphone agora dadaun forñese mós aplikasaun kamera ne’ebé sofistikadu ka avansadu, nune’e mobile fotografia sai popular iha sosial media.

Tuir mai tips ne’ebé foti husi detik.com hodi bele maximizar kamera telefone nian:

Aprende Rule of Thirds  
Hodi bele hetan kompozisaun foto ne’ebé proposional ita bele ativu ita-nia grid.

Ba kamera android bele ba setting iha aplikasaun kamera nian no ativa grid, ba iOs hili menu photos & Camera iha aplikasi setting no ativa toogle grid.

Pozisaun Metin
Buka Posizaun ne’ebé metin hodi mobile labele nakdoko liuliu iha kondisaun low light.
Uza mós tripod karik iha, maibe sei la iha bele uza parede, meza no material seluk ne’ebé metin.

Keta haluha uza self-timer  bainhira hakarak atu hasai foto husi kamera ne’ebé tau dook husi fatin hasai foto.

Troka Fokus
Kamera smartphone mós bele troka nia fokus ho fasil, ita bele troka fokus ho tap ka buti layar de’it. La’os hodi setting fokus de’it maibe bele mós muda nia exposure naroman tuir nesesidade ne’ebé ita presija.

Atu hatun ka hasae exposure ne’e, ita bele hasa’e ka hatun de’it nia indikador, babain nia butaun modelu hanesan ahi ka loro matan.

Buti shuter button bainhira hasai foto
Dala barak susar uitoan ba ita atu hasain foto tanba ita-nia liman fuan susar atu buti butaun iha layar telefone nian no nia rezultadu maka kamera nakdoko no halo la fokus.

Solusaun ida maka bele ajuda mak uza butaun volume nian sai shutter buton.

Uza automatic HDR Mode
Kuaze kamera smartphone nian agora iha modelu auto ba iha HDR (High Dunamic Range) ne’ebé bele sai filtru atu halo balansu entre parte nakukun no naroman.

Maximiza naroman husi loro matan ka ahi
Hodi bele hasai foto ne’ebé di’ak, importante tebetebes hodi hetan naroman ne’ebé sufisiente.

Hare kondisaun ne’ebé iha hodi bele aproveita nia naroman , nune’e objetu ne’ebé ita atu hasain sei sai moos.

Hasai foto ho Burst Mode
Dala barak ita tenki hasai foto barak nune’e bele hili ida ne’ebe maka maka di’ak liu, tan ne’e bele ativa burst mode liu husi buti tahan shutter button tuir durasaun ne’ebé ita hakarak.

Iha smart phone balun iha fitur smart brust  ne’ebé sei hili foto ne’ebé di’ak liu.

Hamoos Lensa
Lensa ne’ebé fo’er sei fo impaktu ba rezulatdu foto. Importante mós hodi bele kuidadu lensa kamera nune’e bele moos hela de’it.

Bele uza hena moos ka cotton bud hodi hamoos fo’er ne’ebé belit iha kamera.