Ha’u Monica da Costa Alves, klase 6 husi Aileu.
Ha’u simu Revista Lafaek beibeik kada edisaun. Ha’u aprende barak
husi Revista Lafaek. Ha’u sempre rai kuidadu, tanba iha siénsia
oin-oin, ezemplu mak hanesan Matemátika no Sistema Solár.
Ha’u no kolega sira gosta lee kona-ba Sistema Solár. Iha ne’ebá, ami
aprende kona-ba planeta sira-ne’ebé iha mundu nia li’ur, furak tebes
planeta hirak ne’e hale’u loro-matan. Iha mós konteúdu balu husi
Revista Lafaek sai iha tempu ezame, nune’e ha’u bele prienxe ho loos,
tanba ha’u lee tiha ona husi Revista Lafaek.
Ha’u mós gosta koko kriatividade oioin husi Revista Lafaek mak hanesan: Hikar ai-funan,
halo gravata, hikar faru, raga no boneka bani. Hmm… kolega sira,
ha’u koko ona kriatividade halo raga iha uma no tara iha didin-lolon,
haree furak tebes!
