Lafaek nia belun sira, tuir mai maneira oin ualu (8) hodi nune’e bele hetan susesu bainhira tama iha idade 20 ba leten.
1. Aprende hodi Maneja Tempu
La fasil hodi bele forma fundasaun ba karreira ho atividade ne’ebé barak tebes, seidauk tan baihira ita hasoru mós difikuldade joven nian, hanesan problema namora no seluk tan.
Ho situasaun komplikadu ne’ebé iha, di’ak liu ita komesa oinsa uza tempu no tau prioridade ba buat ne’ebé maka tenke halo uluk.
Maneja tempu nu’udar rekerimentu ida hodi bele atinji susesu, tan ne’e presija kuda hahu husi idade foinsa’e.
2. Labele uza demais Mobile
Jerasaun agora moris iha fasil nia laran tanba bele hetan informasaun liu husi media sosial. Kondisaun ida ne’e halo sira mós depende hela deit ba mobile.
Maibe kuandu ita bele husik dependensia ba mobile, Ita nia abilidade ba akompaña, estuda no komunika di’ak liu tan.
3. La’o Pasiar iha fatin turistiku sira
Hahu husi tinan 20 ba leten, ba pasiar iha fatin foun bele fo espreriensia kona ba kultura no hanoin foun. Husi ne’e ita aumenta konfiansa ba ita-nia aan, iha abilidade sosial ne’ebé sei ajuda ita hetan susesu iha futuru.
4. Osan la’os motivasaun
Iha idade ne’e, Ita seidauk forma familia no kaer responsabilidade sira seluk nu’udar kaben na’in.
Uza Liberdade ne’e hodi tuir saida maka ita hakarak hodi desenvolve ita nia aan. Labele uza oportunidade ne’e hodi buka osan deit
5. Hado’ok opiniaun negativu ne’ebé halakon ita-nia esperansa
Durante hala’o rutinidade, ita sempre hetan difikuldade husi hanoin ema seluk nian. Hahu husi idade foin-sa’e ita tenki estuda hado’ok lia-fuan sira ne’ebé halo ita lakon esperansa.
Dudu imi nia a’an hodi bele passa kualker limitasaun. Ida ne’e bele haforsa ita nia a’an bainhira iha futuru ita hasoru tempu ne’ebé difisil.
6. Komesa rai osan
Bainhira ita sei hetan suporta osan husi inan-aman, ita tenki hatoman aan hodi rai osan, nune’e bele prepara akontesimentu saida deit iha futuru.
Kada fulan, ita bele rai osan, hodi bele uza bainhira ita buka serbisu no hala’o bisnis, osan ne’e sei fó benefisiu bo’ot.
7. Kuidadu saude
Ita la moris ho saúde ne’ebé di’ak hela de’it. Komesa agora Ita tenki badinas hala’o exersisiu no hatoman ho moris ne’ebé saudavel.
Ho saúde ne’ebé diak bele ajuda ita atu hetan serbisu ne’ebé ita hakarak.
8. Simu ita nia sala no foti pontu positivu husi ida ne’e
Bainhira ita-nia idade aumenta, ita mos sei hasoru sala oin-oin. Tan ne’e aprende husi sala ne’ebé halo tiha ona no foti pontu positivu husi ida ne’e nune’e hetan susesu iha futuru.
foti husi Lifehack.org.
