Señora Natalina, hanesan fornesedór ba merenda
eskolár iha EBF 1.2 Oebaba, suku Raimea, aldeia
Oebaba postu Zumalai, munisípiu Covalima.
Nia sempre simu Revista Lafaek ba Komunidade,
kada edisaun husi nia oan ne’ebé eskola iha EBF 1.2
Oebaba.
Bainhira nia simu Revista Lafaek ba
Komunidade, nia gosta liu atu lee kona-ba reseita sira
no sempre prátika iha uma. Iha edisaun hirak-nee, iha
konteúdu rua ne’ebé nia lee no koko ona iha uma
mak hanesan; Halo sorvete husi abakate no dose
bandeira. Nia família sempre tulun, bainhira nia koko
halo reseita ne’e.
Nia Hatutan, “Ha’u prontu atu fahe koñesementu
ne’ebé ha’u iha ona ba komunidade sira seluk,
bainhira sira hakarak atu aprende. Ha’u mós baibain
halo dose bandeira ba merenda iha uma-laran de’it,
maibé bainhira ha’u halo sorvete abakate, ami lori
ba fa’an iha bairru laran no fa’an iha eskola.”
Atu halo sorvete abakate ha’u tenke gastu osan US$
7.00 hodi sosa materiál sira no bainhira ha’u fa’an
hetan fali lukru US$18.00 to’o US$20.00.
Husu ba maluk sira, ne’ebé simu Revista Lafaek ba
Komunidade, fó tempu uitoan hodi lee no koko,
tanba Revista Lafaek ba Komunidade lori
informasaun mai ita hodi hadi’a ita-nia moris
