Inan-aman tenke fó dalan ba oan-feto sira atu eskola tanba
edukasaun maka dalan di’ak-liu ba oan-feto sira.
Se oan-feto bá eskola, nia sei:
1. Bele hetan matenek.
Ita eduka feto, ita eduka família no nasaun. Feto matenek nia sei sai
inan no fó edukasaun di’ak ba oan sira iha futuru.
2. Ajuda oan feto la kaben sedu.
Oan feto sei eskola nia sei la kaben sedu. Oan feto ho idade ki’ik, seidauk
bele atu isin-rua no hahoris
3. Hetan Servisu.
Feto matenek, nia bele hetan serbisu iha fatin di’ak. Bele mós sai ukun na’in.
4. Sai lideransa.
Feto ne’ebé matenek nia bele sai lideransa iha uma-laran, sosiedade
no instituisaun ruma. Bele mós foti desizaun tanba tuur iha pozisaun importante.
5. Redús konflitu.
Feto matenek nia sei ajuda halo dame iha sosiedade no família.
6. Suporta ekonomia.
Feto ne’ebé matenek nia sei iha kbiit atu serbisu no bele halakon ki’ak iha família no komunidade.
Foti Husi: Lafaek Ba Komunidade, 2/2015
